ПРАЎДА І ХЛУСНЯ НА ШАЛЯХ ГІСТОРЫІ

Напярэдадні Дня Перамогі ў раённай бібліятэцы быў праведзены круглы стол «Праўда і хлусня на шалях гісторыі».
У мерапрыемстве прынялі ўдзел кандыдат гістарычных навук, дацэнт кафедры гісторыі Беларусі, археалогіі і адмысловых гістарычных дысцыплін ГРГУ ім. Янкі Купалы Уладзімір Ягорычаў, навучэнцы 10-11 класаў гімназіі № 1 і СШ № 2 г. п. Карэлічы, Карэліцкага дзяржаўнага будаўнічага прафесійнага ліцэя. На сустрэчы таксама прысутнічалі прадстаўнікі раённага савета ветэранаў, моладзевага спартыўнага клуба «Белы тыгр», Беларускага рэспубліканскага грамадства выратавання на водах.
Супрацоўнікі Карэліцкай раённай бібліятэкі аформілі выставу «Трагедыя. Гераічнасць. Памяць».
Урачыста адкрыла круглы стол супрацоўнік Карэліцкага раённага краязнаўчага музея Марыя Беленава. Яна адзначыла, што год за годам падзеі Вялікай Айчыннай вайны сыходзяць ад нас усё далей у гісторыю. Святы абавязак кожнага — прадухіліць скажэнне фактаў, захаваць гістарычную праўду. — У гэтым страшным супрацьстаянні мы змаглі перамагчы фашызм, таму што былі разам. Разам паднялі з руін велізарную краіну, аднавілі яе ваенную і эканамічную моц, высокі культурны ўзровень. Мы не можам цяпер дапусціць, каб у нас аднялі Вялікую Перамогу, — сказала Марыя Уладзіміраўна Беленава.
Пасля слова ўзяў Уладзімір Ягорычаў. Дацэнт прачытаў лекцыю па гісторыі Вялікай Айчыннай вайны.
Супрацоўнік музея Марыя Уладзіміраўна Беленава.