13 жніўня ў аграгарадку Цырын адбудзецца Мядовы фэст.
Напярэдадні вялікага свята Мядовага спасу ў агр. Цырын Карэліцкага раёна ўпершыню адбудзецца фестываль «Мядовы фэст». Самае салодкае свята раёна запомніцца гасцям салодкай дэгустацыяй, выставай-продажам мёду і прадуктаў пчалярства, вырабаў майстроў народнай і сучаснай прыкладной творчасці, вясёлымі гульнямі, забавамі і сюрпрызамі, канцэртам з удзелам лепшых калектываў аматарскай творчасці.
У праграме:
— выстава-продаж мёду і прадукцыі пчалярства, кансультацыі пчаляроў;
— выстава-продаж вырабаў майстроў народнай і сучаснай прыкладной творчасці, творчыя майстар-класы;
— творчая праграма «Мядовы разгуляй» (інтэрактыўныя гульні і вясёлыя конкурсы, розыгрыш прызоў ад пчаляроў і майстроў);
— конкурс тартоў-медавікоў;
— конкурс «Самы смачны мёд — 2017» (пераможцу выбірае «народнае журы» шляхам дэгустацыі);
— праца гульнявой пляцоўкі «Дзіцячы сад», пляцоўкі «Кніжны рой» (кнігі для дзяцей і дарослых, урокі літаратурнага чытання), пляцоўкі «Фота-вулей» (фотазоны ад Карэліцкага музея, фота-конкурс сэлфі ў Instagram: «#Медовое селфи» .
