Пад такой назвай у Карэліцкім раённым краязнаўчым музеі дзейнічае перасовачная выстава, якая прысвечана 100-годдзю Кастрычніцкай рэвалюцыі. Да яе прымеркаваны фотаздымкі першых сакратароў і старшынь райвыканкама пасляваеннага часу і да сённяшніх дзён.
Падчас яе правядзення супрацоўнік музея Марыя Уладзіміраўна Беленава распавядае наведвальнікам пра асаблівасці ўстанаўлення савецкай улады і беларускай дзяржаўнасці на тэрыторыі Беларусі і пра тое, якіх поспехаў дасягнула Беларусь у галінах эканомікі, навукі, адукацыі за гады савецкай улады.
«Гэта наша гісторыя, гэта памяць пра мінулае. Трэба, каб падрастаючае пакаленне ведала гісторыю, ганарылася поспехамі продкаў», — адзначае Марыя Уладзіміраўна.
З перасовачнай выставай супрацоўнікі Карэліцкага музея плануюць наведацца ў навучальныя ўстановы, арганізацыі і прадпрыемствы раёна.
