Дарагія сябры!
Прыміце шчырыя віншаванні з дзяржаўным святам – Днём Канстытуцыі Рэспублікі Беларусь. Асноўны Закон краіны адлюстроўвае шматвяковае імкненне беларусаў самім вызначаць свой шлях развіцця, жыць у незалежнай дзяржаве, сваёй працай забяспечваць дабрабыт грамадства. Канстытуцыя Рэспублікі Беларусь – гэта падмурак для развіцця свабоднай, моцнай і незалежнай дзяржавы. Выконваючы нормы Канстытуцыі, мы забяспечваем зладжаную і эфектыўную працу ўсіх галін улады, згоду ў грамадстве, развіццё канкурэнтаздольнай эканомікі, правядзенне эфектыўнай сацыяльнай палітыкі, накіраванай на стварэнне спрыяльных умоў жыцця для кожнага чалавека.
У гэты сапраўды святочны для нашай дзяржавы і ўсяго беларускага народа дзень прыміце пажаданні моцнага здароўя, упэўненасці ў заўтрашнім дні, дабрабыту вашым сем’ям і поспехаў ва ўсіх добрых пачынаннях на карысць працвітання Рэспублікі Беларусь!
Раённы выканаўчы камітэт
Раённы Савет дэпутатаў
Аляксандр Сонгін, дэпутат Палаты прадстаўнікоў Нацыянальнага сходу Рэспублікі Беларусь
Ігар Жук, член Савета Рэспублікі Нацыянальнага сходу Рэспублікі Беларусь
