Кіраўніцтва Карэліцкага раёна віншуе вернікаў каталіцкай канфесіі з Нараджэннем Хрыстовым

Дарагія карэліччане – вернікі каталіцкай канфесіі!

Прыміце самыя шчырыя віншаванні з цудоўным святам – Нараджэннем Хрыстовым!

Са святлом Каляднай зоркі прыходзіць да нас сведчанне ўрачыстасці веры і ўсеабдымнай хрысціянскай любові. Гэта час служэння блізкім, дапамозе тым, хто асабліва мае патрэбу ў падтрымцы. Гэта вялікае свята адорвае нас пачуццём чакання таямніцы неверагодных падзей і гармоніі, напаўняе жыццё надзеяй і сэнсам. Запальваючы свечкі ў святую ноч, давайце будзем дзяліцца цеплынёй, душэўнасцю і клопатам, адкрываць сэрцы насустрач дабру і міру.

Няхай вашы дамы напаўняюцца цеплынёй і ўтульнасцю. Жадаем, каб спраўдзіліся ўсе мары. Няхай сэрцы блізкіх і родных будуць сагрэтыя любоўю і клопатам, а людзі навокал стануць добрымі і спагадлівымі. Няхай Калядная зорка заўсёды асвятляе шлях, а радасць Нараджэння Хрыстова стане здабыткам кожнага на нашай любімай Карэліччыне, надасць сіл для новых спраў на карысць нашага непаўторнага краю і ўсёй Беларусі!

Моцнага вам здароўя, шчасця, поспехаў у справах і дабрабыту, утульнасці і згоды ў сем’ях і з людзьмі побач з вамі!

Раённы выканаўчы камітэт

Раённы Савет дэпутатаў